-- ADVERTISEMENT --
BUTUAN CITY – Patay ang duha katawo samtang daghan ang samaran human sa panagbang-ga sa usa ka pampasaherong van ug dumptruck kaganinang alas 3:00 sa hapon sa may Brgy. Libertad, Bunawan Agusan del Sur.
Sa impormasyong nakuha ning sibyahan, ang maong van nga puno sa pasahero padulong sa lungsod sa San Francisco sa dihang nakasungag ang usa ka dumptruck nga padulong ngadto sa Barangay Libertad, Bunawan, Agusan Del Sur.
Tungod sa kakusog sa pagkabang-ga, mikalas kini sa duha ka kinabuhi samtang daghan ang samaran nga daling gidala sa pinakadool nga balay-tambalanan.
Hangtud sa pagkutlo ning balita, padayon natong gikuhaan ug update ang kapulisan sa Bunawan, Agusan Del Sur.
