BUTUAN CITY -Gitoohang away sa yuta sulod sa pamilya ang hinungdan sa pagpamusil kaganinang alas 6:00 sa buntag sa may Purok-6, Barangay Marfil, lungsod sa Rosario, Agusan Del Sur diin duha ang patay samtang usa ang angol.
Giila ni Police Staff Sergeant Ryan Rex Gaviola, imbestigador sa Rosario Municipal Police Station, ang mga napatay nga biktima nga sila Ruel Sagay Paw-as, hingkod ang panuigon kansa nakahiagum og tulo ka samad-pinusilan og minor de-edad nga si Jonel Paw-as Canciller nga dunay 2 ka samad.
Samtang samdan usab ang minor-de-edad pa nga si Rene Sakina Paw-as human napingsan lang.
Sumala pa ni Police Staff Sergeant Gaviola nga padulong sa umahan ang mga biktima sa dihang gi-atangan sa suspek nga armado sa mubo nga klase sa armas.
Sa imbestigasyon, nakita matud pa sa witness nga mao ang samdon sa insidente, nga ila ra usab nga kabanay ang mibuhat sa ingon apan ila sang gitago ang pagkatawo niini.
Nasayran nga duna nay bikil sa yuta ang magpamilya diin sa nakalabay nga bulan, dunay napatay usab ang minor-de-edad diin ang suspetsado mao si Ruel Sagay Paw-as. Sa karun gikuhaan na og affidavit ang witness alang sa pagpasaka og kaso batuk sa suspetsado..
