BUTUAN CITY- Duha ang namatay samtang isa ang gibantayan sa hospital human sa usa ka retrieval operation nga adunay kalabotan sa small-scale mining sa Purok 4, Barangay Anomar, Surigao City, Enero 28, 2026.
Sa report sa Surigao City Central Fire Station, nakadawat sila ug tawag mga alas 4:35 sa hapon ug dali niresponde an mga otoridad. Nahuman ang retrieval operation mga alas 4:51 ang takna sa hapon.
Giila ang duha nga namatay nga sila Gernando Paymalan Sr. ug Charlito Tañania, apan ang ika-3 nga biktima nga si Vic Manuel Dela Tore ang gidala sa hospital.
Gipangulohan ang operasyon ni FSINSP Eduardo P. Quinto Jr. kauban ang mga personnel sa Bureau of Fire Protection (BFP), City Disaster Risk Reduction and Management Office (CDRRMO), Philippine National Police (PNP) ug Philippine Army.
Gigamit sa operasyon ang duha ka fire truck ug isa ka ambulansya. Padayon pa ang imbestigasyon sa mga otoridad aron mahibaw-an ang tinuod na hinungdan sa insidente
