BUTUAN CITY – Padayon karung giila ang identity sa 2 ka patay’ng lawas sa rebeldeng New People’s Army kon NPA human ang engkuwentro nga natigayon mga alas 3:00 sa hapon sa nakalabay nga adlaw sa bukirang parte sa Barangay Mahagsay, San Luis Agusan del Sur.
Sigon ni Lt Col Romeo C Jimenea, Commanding Officer sa 26th Infantry Battalion, Philippine Army, nahitabo ang engkuwentro human nadiskubrihan sa mga sundalo ang tago-anan sa NPA sa hilit na nga dapit sa barangay Mahagsay sa tabang usab sa nagpakabang lomulopyo.
Naka-agbat sa tropa sa kagamhanan ang gibana-banang 60 ka mga armado nga gikan sa nagkausang grupo sa Sandatahang Platoon Pampropaganda ilalom sa Sub Regional Committee sa North Central Mindanao Regional Committee kon NCMRC ug Guerilla Front Committee 88.
Human sa 30 ka minuto nga pagbinayloay ug bala, misibat ang mga rebelde sa nagkalain-laing direksiyun. Apan nabilin ang 2 nila ka kaubanan nga wala nay kinabuhi, duha ka AK 47 rifles, usa ka M16 rifle nga dunay M203 grenade launcher ug usa ka Anti-Personnel Mine.
Samtang nasamdan usab ang duha ka sundalo kansa na-igo sa wala nga kamot og ang isa sa tuo usab nga bukton,
Gidugang pa ni Lt Col Jimenea nga nakuha nila ang impormasyon mahitungod sa kampo sa NPA human ang pagpusil patay sa usa ka Manobo niadtong Setyembre 15 sa KM 27 Barangay Mahayahay, San Luis, Agusan del Sur diin ang gitumbok nga mga suspetsado mao ang tulo ka nga NPA.
Naila ang biktima nga si Juben Mantambungan, usa ka Manobo ug residente sa Barangay Baylo, San Luis, Agusan del Sur.
Gikasuko kini sa mga lomulopyo nga maoy nagtug-an sa hideout sa mga rebelde.
Nakadawat na usab ug mga taho ang kasundaluhan mahitungod sa presensiya sa NPA nga naglibot-libot dool sa bisinidad sa Barangay Mahagsay diin nangilkil kini ug nangayun og nga pagkaon gikan sa mga maguuma ug gagmay nga mga negosyante.
