BUTUAN CITY – Padayong giila ang duha ka patay’ng lawas nga meymbro sa rebeldeng New Peoples Army kon NPA kansa nakalas sa nahitabong engkwentro kagahapon sa alas 1:30 sa hapon sa San Agustin Surigao del Sur.
Sumala ni Capt. Rodolfo Cordero Jr. Civil Military Operation kon CMO Officer sa 401st Brigade, Philippine Army, nahitabo ang maong engkwentro tali sa 75th IB Philippine Army ug meymbro sa rebeldeng New Peoples Army kon NPA nga nilungtad sa kapin usa ka oras nga panagsinukliay sa bala nga niresulta sa kamatayon sa duha ka membro sa NPA samtang usa ka pwersa sa gobyerno ang samaron.
Natigayon ang engkwentro human nga nagpahigayon ug operasyon ang kasundalohan aron sikupon ang responsable sa pagkamatay sa duha ka lumad nga nabuthan ug land mind niadtong Nobyembre 6 sa nasangpit nga lugar.
Narekober sa kasundalohan ang usa ka armas nga AK47, usa ka M653 o Baby armalite ug mga himan paggama ug eksplosibo.
Giklaro ni Cordero nga walay ikahadlok ug dili angay nga mohikling ang mga lumad sa maong komunidad tungod kay nag tamod ang kasundalohan sa human rights, rule of law ug International humanitarian law.
