BUTUAN CITY – Muabot sa 2-mil ka trabaho para sa mga PIlipino ang nakuha ni Pangulong Ferdinand Marcos Jr. sa iyang duha ka adlaw nga working visit sa New York City.
Sigon ni Palace Press Officer Atty. Claire Castro, nga planong mamuhunan ang kumpanyang medikal gikan sa Estados Unidos dinhe sa Pilipinas.
Sumala pa ni Castro, gipa-ambit sa Pangulo nga ang US Medical Glove Company dunay planong magtukod og manufacturing plant sa Pilipinas para makahimo og mahinungdanong medical supplies sa sulod mismo sa nasud.
Ang pasiunang investment matud pa sa nasangpit nga kumpanya gibana-abanang muabot sa 200 milyones dolyares ug planong mukuha og kapin 2-mil ka trabahanteng PIlipino.
Dugang pa ni Castro nga sumala sa Pangulo, kung momaayo na ang produksyon sa planta, gilantaw sa kumpanya ang posibilidad nga mag-export og mga medical supplies ug palapdan pa ang operasyon niini sa PIlipinas.
