BUTUAN CITY – Pormal nang giduso sa Butuan City Prosecutors Office ang reklamo batuk sa duha ka mga traffic enforcers ug usa ka sibilyan nga nadakpan sa gipahigayong drug buy bust operation ning mi-aging gabii.
Sa eksklusibong pakighinabi sa Bombo Radyo Butuan kang Dindo Abellanosa a tigpamaba sa Philippine Drug Enforcement Agency kon PDEA Caraga, gibutyag niining parehong High Value Targets sila Rey Misanes, residente sa Barangay Libertad ug John Alvin Suronda, 26-anyos kinsa parehong nagpositibo sa gipahigayong drug test, samtang nagnegatibo usab sa drug test si Paul Peter Torayno, 26-anyos, lumad nga taga-Cagayan de Oro City.
Sigon sa opisyal dugay na nilang gipailawom sa surveillance si Torayno, nga usa matod pa sa mga nag supply ug drugas sa dakbayan. Sa pikas bahin gikumpirma usab niini nga positibo nga shabu ang nakuha sa operating team gikan sa 3 ka suspetsado.
Alayon niini mag atubang ang mga suspetsado sa kasong paglapas sa Sec 5 (pagbaligya) ug Sec 11 (pagbaton) ug ginadiling druga ilawom sa RA 9165 kon Comprehensive Dangerous Drugs Act of 2002
