BUTUAN CITY – Pipila ka mga dakbalay ang mitala og mga liki samtang diha ka mga tawo usab ang gidala sa ospital human naka-angkon og minor enjury dihang gitay-og sa 5.1 magnitude nga linog ang lalawigan sa Surigao del Norte kaganinang alas-12:24 sa kaadlawon.
Natala sa Philippine Institute of Volcanology and Seismology kon PhilVocs ang epicenter sa linog sa gilay-ong 5-kilometros sa lungsod sa San Francisco, Surigao Del Norte nga mas naila kaniadtong Anao-aon.
Ang lindol nga tectonic in origin duna’y giladmong 8-kilomentro nga nasinatian usab sa Surigao City sa intensity 5.
Sa Siargao Island usab, gisaysay ni Kevin Kho nga nanggawas ang mga turista gikan sa mga hotels tungod sa kahadlok dihang nakamatay atol sa linog og dinhi na nila nasayrang duna ‘y liki sa salog sa mga hotels apil na sa ferry terminal.
Gisundan kini sa magnitude 2.8 nga linog kaganinang alas-2:40 sa kaadlawon sa gilayong 11-kilometros sa lungsod sa Santiago, Agusan del Norte nga duna’y giladmong 31-kilometros og tectonic in origin.
Nasayrang kagahapon pa lang sa alas-3:53 sa hapon dihang unang gitay-og sa 4.7 magnitude nga linog ang lungsod sa San Francisco, Surigao del Norte. (Beth Ruiz)
