BUTUAN CITY – Sunod-sunod ang pagsurender nga gihimo sa mga tag-as nga opisyal sa NPA ngadto sa tropa sa kagamhanan. Niadtong Setyembre16 sa dihang Boluntaryong misurender sa tropa sa 23rd Infantry (Masigasig) Battalion, Philippine Army ang usa ka lider sa Sangay ng Partido sa Lokalidad kon SPL og Milisya ng Bayan (MB) sa Agusan del Norte.
Naila ang nangulo sa Milisya ng Bayan nga si “RICO”, 28-anyos nga naglihuk sa Barangay Durian, Las Nieves sa maong probinsiya ilalom sa Guerrilla Front (GF) 4A sa North Central Mindanao Regional Committee (NCMRC) sa New People’s Army kon NPA.
Mitahan si Alias Rico ngadto kang Lt. Col. Julius Cesar C. Paulo, commander sa 23rd IB sa battalion headquarters nga nahimutang sa Jamboree Site, Purok 6, Barangay Alubihid, Buenavista, Agusan del Norte. Giturn-over usab ni Alyas Rico ngadto sa kasundaluhan ang usa ka Honda XRM 125 Motorcycle, usa ka Laptop, usa ka Baofeng Radio, duha ka Andriod phones, 7 ka mga keypad phones, duha ka gun tuckers og duna pay mga resibo.
Gibulgar usab niini nga ang motor gipanag-iyahan ni Khim Agad Mapoy alyas PATRICK, ang Secretary sa Guerrilla Front (GF) 4A sa North Central Mindanao Regional Committee.
Samtang pagka-ugma kon Setyembre 17, usa ka alyas DANSOY/KEVIN, 40-anyos, Political Instructor sa Sentro de Grabidad (SDG) CAOCAO, Guerilla Front (GF) 4A sa North Central Mindanao Regional Committee (NCMRC) ang misurender usab didto sa headquarters sa Jamboree Site, Purok 6, Barangay Alubihid, Buenavista, Agusan del Norte.
Lakip sa gitahan niini ang tulo ka tag-as nga kalibre sa armas og nagkadaiyang mga buhing bala. Si Alias DANSOY/KEVIN residente sa Km. 14, Sitio Hinandayan, Barangay Camagong, Nasipit, Agusan del Norte.
