BUTUAN CITY – Parehong nagnegatibo sa COVID-19 ang resulta sa laboratory tests sa duha ka mga suspect cases ning siyudad sa Butuan, base na sa pagkumpirma sa Department of Health kon DOH-Caraga.
Sa ilang gipagawas nga COVID-19 case bulletin no. 10, gitaho nga ang duha parehong na-admit sa Butuan Doctors Hospital nga gilangkuban sa 67-anyos nga lalaking taga-Butuan ug 80-anyos nga babayeng taga-Butuan usab.
Samtang gipa-abot pa sa maong buhatan ang resulta sa ikaduhang follow-up test sa nag-inusarang COVID-19 positive ning rehiyon human usab nagnegatibo ang iyang unang follow-up test.
Kini matud pa ang hinungdan nga ang maong unang kumpirmadong kaso makita gihapon sa ilang mapa tungod kay wala pa nila madawat ang maong laboratory test result.
Ang nasangpit nga COVID-19 case na-admit gihapon sa ospital ug i-discharge lang depende sa assessment sa iyang attending physician ingon man sa gipa-abot nilang resulta.
