BUTUAN CITY – Gipasakaan na og kasong murder pinaagi sa inquest proceedings sa Cabadbaran City Police Station ang duha ka mga sakop sa Philippine National POlice kon PNP Maritime Unit-Butuan City/Agusan del Norte human matud pa nila aksidenteng napusilan-patay ang usa ka mangingisda atol sa ilang gilusad nga seaborne patrol ning mi-aging adlaw.
Naila ang mga gikasuhan nga sila Police Senior Master Sergeant Police Senior Master Sergeant (PSMS) Rizyl Torricer ug Patrolman Ariel Jay Panes samtang ang biktima nailang si Ikiel Kintanar, hingkod ang pangidaron og residente sa Purok 1 West, Brgy. Calibunan sa maong siyudad.
Sa eksklusibong pakighinabi sa Bombo Radyo Butuan, gipadayag ni Cabadbaran City Police Station commander LCol. Renel Serrano, nga gisita matud pa sa nagpatrolyang PNP Maritime Unit ang grupo ni Kintanar uban sa lain pang lima ka mga mangingisda samtang nanagat sa Brgy. Calibunan tungod sa ilegal nilang gamit sa pagpangisda.
Dihang giduol na sila sa mga pulis, misibat matud pa sila rason nga gipasalbahan sila sa mga pulis apan ang usa ka bala, mi-igo sa kilid sa dughan ni Kintanar rason nga gidala pa sa Cababaran District Hospital apan gideklara kining dead-on-arrival sa attending physician.
Ila matud pang na-trace ang maong hitabo human nakig-alayon sa ilang police station ang provincial chief sa maong grupo rason sa ilang gipasakang kaso kaganina pang buntag.
