BUTUAN CITY – Miresulta sa kamatayon sa duha ka mga rebelding New People’s Army kon NPA ang natigayong engkuwentro sa alas 6:10 kaganinang buntag sa bukirang bahin sa P-7, Brgy San Vicente, Prosperidad, Agusan del Sur.
Nasayrang nagpahigayon og Intensified Military Operations ang ginsakpan sa Special Forces Team 904 sa 9th Special Forces Company, Philippine Army sa dihang naka-agbat ang dili moubos sa 10 ka mga rebelde sa pagpanguna ni Ka “Mansoy” ug Ka “Marco”.
HUman sa 10 ka minutos nga engkuwentro og misibat ang mga rebelde, nabilin ang patay’ng lawas sa ilang kauban nga nailang sila Lonie Hainampos Pison, alyas Ka Marco, og Jessa Terol Empoy, usa ka Medic diin gihaya na ang mga niini sa usa ka punerarya sa P-9, Poblacion, Prosperidad, Agusan del Sur.
Samaran usab sa maong engkuwentro ang sundalong si Technical Sergeant Gregorio M Baylon nga gidala sa D.O Plaza Memorial Hospital.
Narekober usab sa nahitaboan ang usa ka M1 Carbine; usa ka Backpack; usa ka Bandolier; personal nga mga gamit og subersibong mga dokumento.
Gikustudiya ang mga nakuhang butang sa Special Forces Team 904 sa 9th Special Forces Company alang sa tukmang disposasyon.
