BUTUAN CITY – Duha ka gidudahang miyembro sa rebeldeng grupong New People’s Army kon NPA nang napatay sa sunod-sunod nga binakbakay nila tali sa militar sa utlanan sa mga lalawigan sa Surigao del Sur ug sa Agusan del Sur.
Gi-ila ni Brigadier General Allan Hambala, commander sa 401st Infantry Brigade, Philippine Army, ang isa mga napatay nga si Marcelino Navarro, deputy secretary ug head sa Education and Propaganda Division sa North Eastern Mindanao Regional Committee (NEMRC) samtang padayon pang gi-ila ang laing usa.
Na-ilog usab sa militar ang usa ka kampo sa walhong grupo nga kayang maka-akomodar og 60 hangtud 80 ka tawo nga nahimutang 8-kilometros ang kalay-on gikan sa pinakaduol nga komunidad sa Sitio Panukmoan, Barangay Diatagon, lungsod sa Lianga, Surigao Del Sur.
Narekober sa militar ang nagkada-iyang klase sa mga armas, mga bala, laptop computers ug mga personal nga gamit.
Sigon ni Hambala , gipakusgan nila ang ilang opensiba aron mahunong na ang wala’y pulos nga pagpamatay sa mga rebelde ngadto sa mga membro sa nagkada-iyang tribo ug aron mapugngan ang planong pagsunog sa bag-ong gitukod nga IP school sa Sitio Simuwao, Brgy. Diatagon nga accredited sa Department of Education kon DepEd.
Madumduang niadtong Hulyo 6, usa ka Jomar Ignacio Engayas, 46 anyos ang gipusil patay sa mga rebeldeng NPA sa San Miguel, Surigao del Sur samtang usa usab ka Paquito Maca Badiang, ang gipusil patay adtong Hulyo 9 sa hilit nga area sa lungsod sa Tago sa nasangpit nga probinsya.
Laing bikitima usab nga sila Jandi Limbona, 23-anyos , mag-uuma ug Noel Estampa, 49 anyos, ang gipatay sa mga NPA sa Mat-i, Surigao City adtong Hulyo 11.
