BUTUAN CITY – Na-turn over na sa 26th Infantry “Ever Onward” Battalion, Philippine Army ngadto sa lokal nga kagamhanan sa Esperanza, Agusan del Sur alang sa identification ang patay’ng lawas sa duha ka mga rebeldeng New People’s Army kon NPA nga napatay sa sunod-sunod nga engkwentro didto sa bukirang bahin sa Sitio Mahayon-hayon, Barangay Guibonona sa maong lungsod.
Sa eksklusibong interview sa Bombo Radyo Butuan, gipadayag ni Lt Col Romeo Jimenea – commanding officer sa 26IB nga nagsugod ang enkwentro pasado alas-2 ning mi-aging hapon human girespondihan sa tropa ang sumbong nga duna’y naglibot-libot nga mga rebeldeng NPA kinsa nagplanong mangilog sa ipanghatag nga mga relief goods alang sa mga residente.
Miresulta kini sa pagka-angol sa usa ka sundalo nga nasundan pa sa 20-minutong engkwentro diin didto na napalgan ang duha ka patay’ng lawas apil na ang duha ka M16 rifles, usa ka AK47 rifle, 2 ka mga bandoliers nga duna’y walo ka mga tag-as nga magazines ug walo ka mga short magazines sa M16 rifle nga puno sa mga bala ug usa ka loaded magazine sa AK47 rifle.
