BUTUAN CITY – Dakpan sa ginsakpan sa Butuan City Police Station 1 Drug Enforcement Unit atol sa drug buy bust operation kagabii ang duha ka mga tigpayuhot og iligal nga druga.
Naila ang mga suspek pinaagi sa ilang gikabibang Worker Quarantine Passes nga sila Methergen Caballero, nagtrabaho sa Tabuan Market ug Alvin Fatallo usa ka construction worker nga pulos residente sa Baranga Fort Poyohon ning syudad .
Sa pakighinabi sa Bombo Radyo Butuan kang PLt. Abel Bulawan, tigpamaba sa BCPO, gipadayag niining nag-transact ang operatiba gamit ang P20,000 ka marked money bugti sa duha ka sakong balor sa shabu ngadto sa mga suspek kinsa migamit og motorsiklo.
Dihang natunol na ang marked money ug nakuha ang buybust item, didto na mi-arangkada ang operatiba ug nakuha sa ilang posisyon ang 5 ka sakong gitu-uhang shabu nga duna’y sulod nga tag-5 gramos kansa gibana-banang nagkantidad og 295,000 pesos.
Dugang ni PLt. Bulawan, dugay nang gipanid-an ang mga dinakpan hangtud nga misangpot kini sa malampuson nilang pagkasikop.
Mga kasong paglapas sa R.A. 9165 ang atubangun sa duha ka suspek kinsa gikustodiya na sa BCPS1 apil na ang nakumpiska nga mga ilegal nga druga alang sa tukamang disposasyon.
