BUTUAN CITY – Patay ang duha ka mga pulis ug usa ka abogado sa natigayong pinusilay sa Prime Peak Subdivision, Barangay Maitim 2 Central sa Tagaytay City.
Na-ila ang mga namatay’ng pulis nga sila PCapt Adrian Binalay, 43-anyos, nadestino sa Criminal Investigation and Detection Group-National Capital Region (CIDG NCR) ug PCapt Tomas Batarao Jr., kasamtangang nag-schooling ug parehong graduate sa National Police College sa maong siyudad samtang ang abogado naila lang nga si Atty. Den.
Base sa imbestigasyon, mi-adto matud pa ang mga biktima sa dapit nga nahitabuan aron mupalit og yuta ka-uban sa duha ka mga agents nga sila alyas Ver ug alyas Ben ingon man ang usa babayeng nagkupot matud pa sa titulo sa yuta.
Adiser pa sila nakapangutana, gisita na sila sa gwardiyang nagbantay sa maong subdivision hangtud nga mi-abot ang usa ka kolor itom nga sports utility vehicle kon SUV nga gisakyan sa abogado diin gisultihan matud pa sila nini og mga ha-it nga pulong dayong pusil sa paa sa usa ka pulis rason sa natigayon na nga pinusilay.
Patay on-the-spot ang usa ka pulis samtang gidala pa sa ospital si PCapt Tomas Batarao Jr. ug ang suspek nga si Atty. Den apan gideklara silang dead-on-arrival.
Naaresto usab sa Tagaytay Medical Center ang usa pa ka suspek nga si alyas Ben ug paglabay sa pipila ka oras, naaresto usab si alyas Ver ug ang gwardiya.
Gimando na ni Police Regional Office- CALABARZON Regional Director PBGEN Paul Kenneth Lucas ang makuting imbestigasyon sa insidente.
