BUTUAN CITY – Nagbangotan karun ang kadumalahan sa Police Drug Enforcement Group Special Operations Unit BAR (PDEG SOU BAR) sa pagkamatay sa duha ka mga miyembro niini nga sila Pat Roselyn Bulias ug PCPL Isaac Kirt Sipin.
Kini human misangpot sa dugoong engkuwentro ang anti-illegal drug operation sa nakalabay nga adlaw, biernes, bandang alas 11:45 sa buntag sa Barangay Simuay, Sultan Kudarat, Maguindanao del Norte.
Base sa taho sa Police Regional Office (PRO) Bangsamoro Autonomous Region, sakay sa ilang operating vehicle ang mga pulis ug duha ka suspek nga katransaksyon sa mga niini og halos tulo ka oras na ang nakalabay adiser magpositibo ang transaksyon.
Apan sa dihang nagtinulonay na og butang lakip na buy bust money kalit na lang matud pa gidikitan sa puting pick up truck ang sakyanan sa mga biktima advisor gipusil ang mga niini human namatikdang pulis ang katransaksyon sa duha ka mga kaubanan niini.
Dinhe na nagkapinusilay ang mga suspek ug mga operatiba diin ang duha ka pulis parehong dunay igo sa ulo samtang samdan usab ang laing duha ka pulis nga kaubanan niini. Samtang samdan usab ang duha ka suspek nga kaubang gidala sa pinakadool nga hospital.
Sa gihimong pursuit operation naaresto ang duha ka suspeks samtang gipangeta pa ang duruha. Nakumpiska sa operasyon ang usa ka kilo nga gitoohang shabu og mikantidad sa 6.8 milyones pesos.
Lakip sa nakuha ang .45 nga pistola mga bala og binandol nga tag-usa ka libo pesos nga nagsilbing marked money.
