BUTUAN CITY – Duha ka mga rebeldeng New People’s Army kon NPA ang patay samtang ubay-ubay nga mga high powered firearms og mga bala ang nakumpiska sa mga sundalong sakop sa 23rd Infantry ‘Masigasig’ Battalion, Philippine Army human ang ilang pakig-engkwentro sa hilit nga dapit sa Sitio Migrabang, Brgy. Abunda, lungsod sa Magsaysay, Misamis Oriental kagahapon.
Sigon ni 23rd IB commander Lt. Col. Francisco Molina Jr., sa maong engkwentro, na-ilog sa mga sundalo ang kampo sa maong mga rebelde nga kayang maka-akomodar og 60 ka mga tawo diin nakumpiska ang usa ka AK-47 assault rifle og gibiyaang dose ka mga backpacks.
Natigayon ang engkwentro human nakadawat og tip gikan sa mga sibilyan ang mga sundalo hinungdan sa ilang gilusad nga security operations diin ilang na-engkwentro ang gibana-banang 30 ka mga membro sa Guerilla Front 4A sa Northern Mindanao Regional Committee kon NMRC. (Beth Ruiz)
