BUTUAN CITY – Duha ka mga bombero ang gipamusil-patay sa usa ka mountain community sa Idaho sa western United States nga gika-ingong igo lang miresponde sa bushfire.
Sa post ni Governor Brad Little sa X, nasuta nga ubay-ubay nga mga firefighters ang gipang-atake sa wala pa masuta nga gidaghanon sa mga shooters.
Dugang pa sa gobernador, kung dili gilayon ma-neutralised ang mga responsable, posibleng mahimo kining usa ka multi-day operation.
Sigon sa mga otoridad, duna’y dili muminos usa ka aktibong shooter nga nagbitbit og usa ka high-powered rifle nga gitu-uhang padayon pang namusil.
Duna na’y gipadala nga mga helicopters sa maong lugar nga duna’y heat aron ma-locate na ang responsable ilabina nga naglisod karon ang mga otoridad tungod sa aso nga mugna sa nagpadayong wildfire, nga maoy girespondihan usab sa mga firefighters.
Duna usa’y mga hikers sa bukid nga gipatago na sa mga otoridad ug na- detect na sa mga heat devices.
