BUTUAN CITY – Wala damha sa pamilya Taña nga mahunusan sa kinabuhi ang duha ka managsoon samtang laing usa pa ang padayong nagpa-alim sa ospital sa samad nga na-angkon human gipanigbas sa ila ra usab nga ka-uban sa pagpangopras didto sa lungsod sa Montevista, Davao de Oro.
Naila ang mga namatay nga sila Darwin ug Sandy Taña samtang ang na-ospital mao si Joseph Taña ug ang suspetsado, nailang si Jonathan Rendoy, parehong mga residente sa Purok 2, Brgy. Pisaan, lungsod sa San Francisco, Agusan del Sur.
Migawas sa inisyal nga imbestigasyon nga human pagpangopras, nag-inom matud pa ang upat ug dihang nagbaktas na aron mupa-uli, dili na gilanit ni Rendoy ang ilyang sundang dayong tigbas sa kadungan niay og baktas nga managsoon.
Dihang nakita kini sa nagsunod kanilang si Joseph, dali niining gibunalan og kahaoy ang suspetsado apan wala niya ma-intimano rason nga natigbasan kini usab. Padayon pang gisuta sa kapulisan motibo sa maong panghitabo.
