-- ADVERTISEMENT --
BUTUAN CITY – Igo na lang sa pagsubo ang pamilya Lavinia human nalumos-patay ang managsoong babaye samtang naligo sa suba sa ilang barangay kagahapon sa alas-11:30 sa sayong udto.
Naila ang mga biktimang sila Julie Anne Lavinia, 13-anyos og Jelly Lavinia, 10-anyos, parehong residente sa Brgy. Taguibo ning siyudad sa Butuan.
Nasayrang nangaligo sa Taguibo River ang duha og ulahi nang nabantayan nga kusog diay ang sulog sa tubig tungod sa baha nga hatud sa kusog nga pagbundak sa ulan sukad pa ning mi-aging gabii.
Gisulayan pa pagluwas sa mga tawo ang duruha apan pakyas sila tungod sa paspas nga pag-anod sa mga niini hangtud nga napalgan na lang nga wala na’y kinabuhi paglabay sa pipila ka mga oras. (Beth Ruiz)
