BUTUAN CITY – Gikasuhan sa United States Department of Justice ang duha ka mga Chinese citizens tungod sa pagpangispiya ug pagsulay pag-recruit sulod sa military ranks sa Estados Unidos.
Gika-ingon nga sila Yuance Chen, 38-anyos ug Liren “Ryan” Lai, 39-anyos, gi-akusahang nagtrabaho on behalf sa foreign intelligence arm sa China nga mao ang Ministry of State Security kon MSS. Mihimo matud pa ang duha og gitawag nga “clandestine intelligence taskings”, apil na niini ang pag-facilitate sa mga bayad bugti sa national security information, pagkuha og intelligence sa mga Navy bases ug pagsulay pag-recruit og mga MSS assets.
Sigon ni Attorney General Pamela Bondi, kini nga kaso nagpamatuod lang sa malahutayon ug agresibong paningkamot sa Chinese government nga musulod sa ilang military ug lawgawon ang ilang nasudnong siguridad.
Base sa affidavit gikan sa Federal Bureau of Investigation kon FBI, si Lai kabahin sa MSS network kinsa daling makabiyahe tali sa China ug sa US aron i-facilitate ang clandestine operations”.
Sugod niadtong tuig 2021, iya nang gi-develop si Chen, kinsa usa ka legal permanent resident, aron mahimo niyang asset. Human nasuta nga duna’y kaila si Chen sa US military, gi-awhag siya ni Lai pagbiyahe ngadto sa abroad aron hisgutan ang iyang koneksyon sa usa ka tawo bugti sa hangyag nga libreng tickets.
Nakigtagbo ang duha ngadto sa mga MSS agents, ug niadtong 2022, ilang gibilin ang usa ka backpack na duna’y sulod nga $10,000 nga cash sa usa ka California locker isip bayad gnadto sa ubang mga indibidwal nga nalambigit sa intelligence gathering.
