BUTUAN CITY – Gi-andam na ang kasong ipasaka batuk sa duha ka mga illegal swertres ushers human na-aktuhang nagpataya kagahapong adlawa sa managlahing barangay sa Nasipit, Agusan del Norte.
Una gihimo sa may Purok Magkono, Brgy. Talisay, pasado alas-4:30 kagahapon sa hapon kondiin nakuha gikan sa posisyon ni alyas Dodo, 67-anyos, minyo ug residente sa maong dapit, ang mga illegal gambling paraphernalia ug marked bet money nga 100-pisos ug taya balor 1,141-pisos.
Samtang pagka-alas singko usab sa susamang hapon, nadakpan na usab si alyas Inday Josie, 58-anyos, minyo didto sa ilang lugar sa Purok 3, Brgy. Punta sa susamang lungsod.
Nakuha usab gikan sa iyang posisyon ang mga illegal gambling paraphernalia, taya nga 1,059-pisos ug ang marked bet money nga usa ka gatus ka pisos.
Ang ilang pagkasikop, base na sa mas gipakusgan pang Oplan Bolilyo kon kampanya batuk sa illegal numbers game partikular ang swertres.
