BUTUAN CITY-Gikasubo sa Prime Minister sa Espanya nga si Pedro Sanchez ang makalilisang nga insidente sa duha ka high‑speed trains nga nagbangga samtang nagbiyahe padulong sa Madrid.
Ang maong aksidente miresulta sa pagkamatay sa 40 ka indibidwal ug giconsiderar sa mga awtoridad nga pinakagrabe nga trahedya sa tren sulod sa pipila ka dekada.
Base sa inisyal nga imbestigasyon, nadiskaril ang usa sa mga tren human kini mibangga sa laing tren nga nagpadulong usab sa ruta.
Gipangayo ni Sanchez ang paghatag og hustong imbestigasyon ug tabang sa mga biktima ug ilang pamilya, samtang gisaad sa gobyerno nga magpatuman og mas hugot nga mga lakang aron malikayan ang susamang aksidente sa umaabot.
Ang insidente naghatag og dakong kabalaka sa katawhan ug nagpasabot sa kamahinungdanon sa seguridad sa pampublikong transportasyon sa nasud.
Ang mga awtoridad karon nagpadayon sa mas lawom nga pagsusi aron masuta ang hinungdan ug aron masiguro nga maprotektahan ang mga pasahero sa umalabot nga mga biyahe.
