BUTUAN CITY – Gibana-banang mukabat sa usa ka milyon ka pesos nga kantidad ang nabiyaang damyos human gidabdaban sa mga armadong lalaki ang tulo ka mga sakyanang gipanag-iyahan sa Mamsar Industrial Corporation sa Sitio Biorbojan, Barangay Rizal, Surigao City.
Sigon sa imbestigasyon sa mga sakop sa Surigao City Police Office, pasado alas-dies ning mi-aging buntag dihang gidabdaban sa mga rebeldeng New People’s Army (NPA) ang tag-usa ka backhoe, forklift og usa ka multi-cab nga gi-abangan lang sa usa ka mining company.
Wala pa magpagawas og pamahayag ang tag-iya sa maong mga sakyanan kung unsa ang posibleng motibo sa wala pa ma-ilang mga responsable.
Narekober sa maong lugar ang daghang basyo sa bala sa nagkada-iyang klase sa armas og wala’y gikatahong angol sa maong hitabo. (Beth Ruiz)
