BUTUAN CITY – Nag-viral karon ang hulagway sa duha ka mga gorilya nga matud pa mi-apil pagpa-selfie sa usa ka park ranger sa Democratic Republic of Congo.
Sigon ni ranger Mathieu Shamavu, kuha ang maong hulagway sa Virunga National Park, usa ka UNESCO World Heritage Site sa maong nasud.
Sigon sa tigpamaba sa maong park, ang duha ka mga gorilya parehong nagpuyo sa usa ka specially designed unit nga nag-atiman sa mga gorilla orphans kansa biktima sa mga poachers kon mga animal traffickers.
Gihulagway ni Shamavu ang makadani niyang kompiosisyon nga laing adlaw sa iyang trabaho isip kabahin sa Elite Anti-Poaching Units And Combat Trackers group, nga gitahasan pagprotiher sa mga mananap.
Sigon sa Virunga National Park spokesperson, hingamigo ang duha ka mga gorilya tungod kay anad na sila sa human contact sa Senkwekwe Centre for Gorilla Orphans.
Gi-repost hi Yvonne Ndege, spokesperson sa UNHCR Kenya, ang maong hulagway sa Twitter, nga duna’y caption nga “Selfie of the Year no question!” kansa mi-ani karon og libuang mga reactions og komento.
