BUTUAN CITY – Laing mga establishemento na usab ning siyudad sa Butuan ang gipasirad-an sa lokal nga kagamhanan isip pagpatuman sa ordinansa sa dakbayan.
Sumala pa ni Eldy David, tigpamaba sa Butuan City Government, hingpit nga gipasirad-an kaganina ang simple menu restaurant nga nahimutang sa may Montalban Street, Barangay Imadejas.
Sigon ni David nga gipasirad-an kini human gi-rebuke ang isyu sa business permits tungod sa mga kalapasan sama nalang sa kawalay occupancy permit og ang nadawat nga reklamo mahitungod sa kabanha sa resto bar nga hatud sa live bands sa matag gabii.
Pagbutyag pa niini, dugay nang gi-isyuhan sa mayor ang maong resto bar og Cease and Desist Order nga pirmado ni Butuan City Mayor Ronnievic Lagnada aron epa-undang ang kabanha sa live band dungan sa pagpahamtang ug 5-mil pesos nga penalty.
Apan wala girespetu sa buhatan ang kamanduan sa mayor nga magpasabot ang kadumalahan niini sa Mayor sulod sa 74 oras hinoon nagpadala lang kini ug sulat, lakip na ang wala pagbayad sa multa.
Sa gihimung monitoring, nasuta nga wala mituman ang nasangpit nga resto bar.
Sunod usab nga gipasirad-an ang E games operator nga BMC boutique sa may Sampling building. Kini tungod sa kawalay business permit bisan paman ug dugay na kining nag-operate.
Giklaro nalang ni David nga mabalik lang ang operasyon sa mga gipasirad-ang establishemento ugaling makompleto na niini ang tanang rikisitos.
Apan hilabihan ang pagkadismaya sa kadumalahan sa Simple Menu Restuarant diin nagpatawag kini ug press conference pinaagi sa inahan sa tag-iya nga si Daisy Browan ug nagpagawas sa iyang hinanakit tungod sa matud pa dili makatarunganon nga lakang sa LGU.
