BUTUAN CITY – Bongga ang pagtapos ning tuiga alang sa Pinoy table tennis duo nga sila Khevine Khieth Cruz ug Liam Zion Cabalu human ang ilang kampeonato sa boys’ under-13 doubles event kondiin ilang gipakamang ang mga banggi-itang junior netters sa kalibutan, human misakmit og medal sa prestihiyosong 2024 US Open Table Tennis Championships nga gipahigayon sa Las Vegas, Nevada.
Apil sa ilang gipildi sila Kyler Chen ug Liren Zhang nga representante sa host country United States sa gold-medal match. Produkto sila Cruz ug Cabalu sa National Academy of Sports (NAS) kondiin nakuha si Cruz gikan sa Tondo, Manila samtang si Cabalu gikan sa Quezon Province.
Ka-uban sa delegasyon sa duha sila Ghianne Cordova sa Bacolod City, Alexa Gan sa Pasig City, Maria Angelli Cruz sa Bulacan ug Angel Nueva sa Northern Samar.
Usa lang ang US Open sa taas nga listahan sa mga nadag-an nila Cruz ug Cabalu tungod kay nakasakmit na si Cruz og gold medal sa WTT Youth Contender 2024 Table Tennis Championships niadtong Oktubre sa Dubai, United Arab Emirates samtang silver si Cabalu.
