BUTUAN CITY – Gipangunahan ni Police Chief Supt. Rolando Felix, Caraga Police Director uban sa mga opisyal sa lalawigan sa Agusan del Sur, ang inagurasyon sa bag-ong mga police stations sa mga lungsod sa Loreto og Sta. Josefa.
Si P/Supt. Gilbert Ilagan, Regional Pastoral Officer, ang nag-officiate sa blessing sa bag-ong tulo ka andanang police station buildings.
Dako ang pagpasalamat ni Loreto Mayor Ligaya Otaza ngadto sa Police Regional Office13 tungod sa kalambuan sa ilang mga pasilidad og paghatag og serbisyong pamulis sa komunidad.
Misaad ang babayeng mayor nga muhatag og dugang suportang pinansyal alang sa mga requirements sa bag-ong natukod nga Loreto Municipal Police Station.
Samtang gipangunahan usab ni Sta. Josefa Vice Mayor Richard Plaza ang inagurasyon sa ilang bag-ong police station.
Gipasalamatan usab ni Gen. Felix ang mga LGU officials tungod sa padayon nilang suporta ngadto sa kapulisan dayong awhag sa iyang mga sakop nga muhatag og mas maayong serbisyo aron maseguro ang kaluwasan sa publiko, mamintina ang kahapsay og kalinaw og mapatuman og sakto ang balaud sa maong mga munisipyo. (Beth Ruiz)
