BUTUAN CITY – Nadugangan na usab og 50 ka bag-ong mga kaso sa COVID-19 ang Caraga Region kondiin 27 niini mga lalaki samtang 23 usab ang mga babaye samtang 66-porsiento ang anaa sa edad nga 21 ngadto sa 50-anyos.
Na-apod ang mga bag-ong kaso sa Cabadbaran City nga duna’y 2 pulos gikan sa Brgy. 12; unom sa Agusan del Sur nga gikan sa mga lungsod sa Bunawan, Esperanza ug Prosperidad nga parehong mitala og tag-duha ka mga kaso; 17 ka mga kaso sa Surigao del Norte kondiin 16 niini gikan sa lungsod sa Taganaan ug usa sa lungsod sa Sison.
Nakatala usab og pito ka mga kaso ang Surigao del Sur nga nabahin sa mga lungsod sa Cagwait ug Carrascal nga duna’y tag-duha samtang tag-usa sa Barobo, Cortes ug San Miguel, duha ka kaso sa Tandag City partikular sa Brgy. Bagong Lungsod ug Rosario; usa sa Mangagoy, Bislig City ug 15 ang natala dinhi sa Butuan nga gilangkuban sa lima ka mga kaso sa Brgy. Pigdaulan, Bayanihan-3; tagduha sa Libertad ug Pianing samtang tag-usa sa Agao, Diego Silang ug Cabcabon.
Apil sa mga namatay ang usa nga gikan sa mil-aging kumpirmadong kaso rason nga usa lang ang apil sa 50 ka mga bag-ong kaso nga gilangkuban sa usa ka 63-anyos nga lalaking taga-Butuan kinsa diabetic ug duna’y chronic kidney disease kinsa na-admit niadtong Oktubre 12 tungod sa ubo ug inapas nga ginhawa apan namatay tungod sa mga komplikasyon kagahapong adlawa.
Ang ikaduha mao ang usa ka 51-anyos nga lalaking taga-Butuan gihapon kinsa hypertensive, balik-balik ang hilanat, ug inapas ang ginhawa niadtong Oktubre 24 rason nga daling gidala sa ospital apan gideklarang dead-on-arrival.
