BUTUAN CITY – Gikumpirma ni 2LT Paoula Andrea Ledesma, Civil Military Operation kon CMO Officer sa 23rd Infantry Battalion, Philippine Army nga duha ka babaye nga rebelding New People’s Army kon NPA nga mga samaron ang ilang nadakpan human ang engkuwentro nga natigayon sa Purok-5, Barangay Bitan-agan, Butuan City niadtong nakalabay nga adlaw.
Naila ang mga rebelde nga sila Dangga Ayuma Huliao nga nagdala sa alyas nga Senyang/Mara/Mekay, kansa Medical Staff sa Headquarters Force NEO sa NCMRC og residente sa So. Roa-Roa, Brgy. Umagos, Lagonglong, Misamis Oriental; ug Mylene Odayao Domino alias Mayan, Miyembro sa Platoon 2, SRSDG Sagay, SRC3, NCMRC, nga residente sa Brgy. Agsabu, Esperanza, Agusan del Sur.
Sigon sa opisyal nga gitambalan na ang duruha sa Agusan Del NOrte Provincial Hospital human nadakpan 50 metros ang gelay-on gikan sa lugar nga nahitaboan.
Gibiyaan matud pa sa ilang kaubanan ang mga niini nga dunay tag-usa ka igo sa bala sa likod nga bahin apan wala nay dalang armas. Nasayrang milungtad ang maong engkuwentro og 10 minutos batuk sa 10 ka rebelding NPA diin nakumpiska sa kasundaluhan ang usa ka M653 carbine rifle, mga personal og ubang gamit pang-giyera samtang dunay mga lama sa dugo nga pamatood nga dunay mga samaron sa walhong grupo.
Sa karun padayon ang hot pursuit operation batuk sa mga misibat nga mga rebelde.
Ang nasangpit nga engkuwentro sa Barangay Bitan-agan mao ang misunod sa engkuwentro usab sa Sitio Calaitan, Brgy. Simbalan, Buenavista, Agusan del Norte niadtong Enero 16 nga miresulta sa kamatayon sa duha ka rebelde.
