BUTUAN CITY – Pasok na sa Paris Olympics ang dugang duha ka mga atletang Pilipino rason nga mi-abot na karon sa 22 ang kinatibuk-ang ihap sa mga atleta nga magbibitbit sa bandila sa Pilipinas.
Ang pinaka-ulahing Olympic qualifiers mao sila Lauren Hoffman ug John Cabang Tolentino.
Si Tolentino mi-qualify sa 110-meter hurdles event ug gikuptan niya ang national record nga 13.37 seconds.
Si Hoffman usab mi-qualify sa 400 meter hurdles event, ug gikuptan ang record nga 55.72 sec.
Sa kasamtangan, tulo ka mga Pinoy na ang magldula sa Paris Olympics athletics event uban ni World’s No. 2 EJ Obiena.
Daling gitimbaya sa Philippine Sports Commission ang bag-ong mga atletang Pinoy sa malampusong pagsulod sa Olympics, ang pinakadakong sporting event sa tibuok kalibutan kondiin himuon ang opening ceremony sa July 26.
