BUTUAN CITY – Patay ang usa ka security guard sa Bacong, Negros Oriental, human nagpusil-patay sa iyang kaugalingon sa Brgy. Buntis human usab unang gipamusil ang iyang duha ka mga anak nga babaye kagahapon.
Sigon ni Bacong Police Chief Major Vann Joel Tingson, nagsumikad kini sa marital issues kondiin ginapasakitan matud pa ang ginang hinungdan nga nangayo og Barangay Protection Order kon BPO ang asawa sa suspetsado.
Migawas sa imbestigasyon nga nagkalalis matud pa ang magti-ayon tungod sa isyu sa paglu-ib rason nga mibiya ang asawa sa ilang pinuy-anan sa Brgy. Bagacay sa Dumaguete City ug mibalhin sa Barangay Buntis uban sa duha nila ka mga anak nga 5 ug 3-anyos.
Kagahapon sa alas-10:00 sa buntag, gibisita sa suspetsado ang mag-inahan sa Brgy Buntis ug mihangyo nga dalhon una ang ilang mga anak apan wala musugot ang asawa.
Dinhi na mibunot sa iyang 9mm caliber handgun ang suspetsado dayong pusil sa ilyang mga anak adiser usab gipusil ang iyang kaugalingon samtang naluwas ang asawa tungod sa daling pagkartil og dagan ug nagpatabang.
Dead-on-the spot ang suspetsado ug ang iyang 5-anyos nga anak samtang gidala pa sa ospital ang 3-anyos apan nakabsan gihapon kini sa kinabuhi.
