BUTUAN CITY – Gipangandaman na sa Pinag-isang Samahan ng Tsuper at Operator Nationwide kon PISTON ang ilang himuong duha ka adlaw nga nationwide coordinated transport strike karong buwana.
Sigon ni PISTON National President George San Mateo atol sa gipahigayong forum sa ilang mga regional members dinhi sa Caraga Region, tumong sa ilang lapad nga transport strike ang pagprotesta sa kamanduan sa Department of Transportation kon DOTr) na magpi-phase out sa mga Public Utility Jepeneys (PUJs) bilang pagtupad sa transport modernization program.
Gipanghimakak sa opisyal ang gipadayag sa DOTr nga makuhaan ang problema sa trapiko sa modernization program tungod kay pagpamig-ot matud pa kini sa panginabuhian nilang anaa sa sektor sa transportasyon nga seguradong maka-apekto usab sa mga commuters.
Gidugang pa sa transport leader nga ang mga dagkong pribadong negosyo lang ang mag-take over sa public transport kung mahinayon kini ilabina nga makaka-apekto kini sa kapin 600-mil ka mga jeepney drivers og kapin sa 250-mil ka mga small jeepney operators.
Nanawagan usab si San Mateo sa tanang sektor sa komunidad nga musalmot sa ilang transport strike aron mas madunggan sa kagamhanan ang ilang yangungo. (Beth Ruiz) (Beth Ruiz)
