BUTUAN CITY – Pasakahan og kasong paglapas sa R.A 9165 o Comprehensive Drug Act of 2002 ang duha ka suspetsadong nasikop human ang buybust operation nag gilusad sa nakalabay nga ala1:00 sa buntag sa may P-5, Barangay Lapu-Lapu, Butuan City.
Gihimu ang operasyon sa mga ginsakpan sa Butuan City Police Station 1 sa pakig-alayon sa Butuan City Mobile Force Company ug PDEA diin nasikop sila Jalter Ybanez Cabahug, 19-anyos og residente sa P-1, Brgy. Amparo, Butuan City ug Justine John Alejandro, 24-anyos nga taga P-18, Brgy. Mahay ning siyudad.
Nakumpiska gikan kang Justine John Alejandro ang usa ka libo ka pesos nga gigamit isip Buy bust money, 2 ka heat-sealed transparent plastic sachet nga dunay sulod nga white crystalline substance nga gitoohang shabu, usa ka unit sa Samsung cellphone color dark blue, 3 ka piraso sa aluminum foil, usa ka disposable lighter ug usa ka stainless steel blade.
Nakuha usab kang Cabahug ang usa ka sachet nga dunay sulod sa gitoohang shabu, usa ka disposable lighter, 3 ka aluminum foil, usa ka Samsung cellphone,usa ka brown nga pitaka og cash nga 1,520.00.
Nasuta sa imbestigasyon nga ang tanang nakuhang epektos gibana-banang mitimbang og 2 gramos. Ang nadakpang mga suspek og nakumpiskang mga butang gikustudiya na sa Butuan City Police Station-1 alang sa tukmang disposasyon.
