BUTUAN CITY – Narekober na sa lokal nga mga opisyal uban sa kapulisan ug kasundaluhan sa Sison, SUrigao del Norte ang duha ka mga Civilian Active Auxiliary kon CAA members kinsa niadto pang Abril 4 ning mi-aging tuig 2019 na-missing.
Kini human sila gitud-an sa mga nakasaksi sa ilang gilubngan dihang wala na sila maka-uli pa gikan nangayam human gidagit sa mga rebeldeng New People’s Army kon NPA.
Naila ang mga biktimang sila Ermil Madrona, 35-anyos, minyo ug kanhi barangay kagawad nga si Bertoldo Rangas, 40-anyos, parehong minyo ug nadestino sa Mayag Patrol Base sa Brgy. Gacepan.
Kagahapon gisaka sa operatiba ang bukid diin sila gilubong pagpanguna ni Sison Mayor Karissa Fetalvero-Paronia uban sa pwersa sa 30IB Philippine Army ,Sison MPS ingon man ang SOCO team ug mga personahe sa 1st Company sa Surigao del Norte Provicial Mobile Force Company resulta sa pagkarekober sa ilang kalabera.
