BUTUABN CITY – History in the making ang mahitabo nga 1st RDBP (Roscoe Democrito Borja Plaza) Asian Nasipit Longboard Competition nga himuon ugmang adlawa, Sabado ug Dominggo, Septembre 21 ug 22.
Kini ang gipasigarbo ni Joseph Falcone, ang event director sa Philippine Extreme Sports ug event organizer sa maong kompetsyon. Sumala niini, ang nasangpit nga downhill race, mao pa ang pinaka-una sa tibook Mindanao kansa Asian championship pa.
Sigon sa maong organizer, sobra ka delikado ang maong sports tungod kay ang mga partisipante, kinahanglan man nga musakay sa normal nga skateboard ug mopadaus-dos sa gikusgong 85 ngadto sa 90 kilometros matag oras nga walay dalang break o manibela, butang nga bisan sa gamayng sipyat, simplang gayud ang hi-aguman sa mga competitors rason nga gibansagan usab kini nga human Ferrari.
Sumala niini, nag-anam na og pangabot ang mga international competitors sa Nasipit, diin ang uban, nangabot na kagahapon, ug duna pa usay mangabot karong adlawa.
Subay ni Falcone, topnotch usab ang venue sa maong sports competition.
