BUTUAN CITY – Molungtad pa hangtud ugmang adlawa Nobyembre 3 ang pagdumdom sa kamatayon ni George Madlos alyas Ka oris, ang taas nga lider sa rebeldeng New People’s Army kon NPA nga napatay sa engkwentro didto sa Bukidnon ning mi-aging tuig.
Sa pakighinabi sa Bombo Radyo Butuan ngadto sa nagpailang Ka Emil, tigpamaba sa National Democratic Front-Northeastern Mindanao, nagsugod ang usa ka semana nga paghandom kang Ka Oris niadtong Oktubre 28 hangtud ugmang adlawa.
Na-atol ang maong pagdomdom sa anibersaryo usab sa paghapak ni Bagyong Yolanda niadtong Nobyembre 2013 diin daghang mga kinabuhi ang nakalas ug na-atol pa sa pag-obserba usab sa Kalag-kalag.
Duna pay gibasa si Ka Emil nga pamahayag sa grupo diin gisaluduhan nila ang napatay nilang lider samtang nagpa-abot og dugang pahasubo ngadto sa nahabiling pamilya niini ilabina usab sa kamatayon sa anak niini nga si Vincent og asawa niini kinsa parehong napatay sa engkwentro gihapon sa Bukidnon niadtong Setyembre.
