BUTUAN CITY – Gipagawas na sa Bangko Sentral ng Pilipinas (BSP) ang P100,000 nga comemorative banknotes alang sa mga collectors dungan sa pagsa-ulog kagahapon sa National Heroes Day.
Sigon sa BSP, ang commemorative bills kabahin sa numismatic kon money coin ug printed money collection.
Na-imprinta ang pinakadakong Philippine commemorative banknote niadtong 1998 aron sa-ulugon ang centennial Philippine Independence.
Makita sa atubangan niini ang Sigaw ng Himagsikan nga gipangunahan ni Andres Bonifacio, ang bayani sa Katipunan.
Samtang sa likod nga bahin niini, makita ang proclamation sa Philippine Independence nga gipangunahan ni Gen. Emilio Aguinaldo niadtong Hunyo 12, 1898 sa Kawit, Cavite.
Duna lama’y 1,000 ka buok ang na-imprinta sa maong kantidad alang sa mga collectors.
