19th National Surfing Cup, nagpadayon sa Siargao Island

BUTUAN CITY – Nagpadayon karon ang 19^th National Surfing Cup sa Cloud 9, lungsod sa General Luna, Siargao Island kansa matapos sa Septembre 21.

Ang tournament, nga sanctioned sa Philippine Surfing Championship Tour, pormal nga gibuksan ning mi-aging adlaw kansa gisalmutan sa mga surfers gikan sa nagkada-iyang parte sa nasud.

Ang mudaog sa maong national surfing cup ning tuiga, mao ang mu-compete alang sa Siargao International Surfing Cup nga sugdan karong Septembre 23 hangtud 30.

Apil sa nakahan-ay’ng kalihukan events sa usa ka semanang kalihukan ang 3 cock derby nga gihimo na ning mipaging adlaw, Zumba sa Boulevard nga salmutan sa mga senior citizens og ang grand alumni homecoming sa General Luna National High School karong adlawa.

Ugmang adlawa usab himuon ang General Luna fiesta opening program og ang ribbon cutting sa Siargao Island Tiange-Tiange samtang sa Huwebes sa kaadlawon ang dawn procession alang sa Voice Teens finalist concert ingon man ang Misa Concelebrada, Sadjaw Siargao 2017: street dance showdown atol sa Island Festival og awarding sa 19^th National Surfing Cup sa Septembre 22.

Human sa culmination sa National Surfing Cup, sugdan usab ang opening sa 23^rd Siargao International Surfing Cup pinaagi sa welcome dinner og entertainment sa Septembre 23, adlaw’ng Sabado . (Beth Ruiz)