BUTUAN CITY – Patay ang 19 katawo human ang pagkahagsa sa usa ka pampasaherong bus sa pangpang sa Nepal.
Base sa inisyal nga imbestigasyon sa mga otoridad, gikan sa Pokhara padulong sa Katmandu ang bus sa dihang nawad-an og kontrol ang drayber niini ug nahulog sa pangpang nga dunay kalawmong 200 metros.
Nahitabo ang insidente dool sa kilid sa Trishuli river sa Dhading District.
Dunay 44 katawo ang sakay nga kadaghanan mga turista sa bus apil ang driver diin 25 niini ang angol.
Lakip sa namatay ang usa ka 24-anyos nga turistang British national nga sumala sa otoridad sa Nepal nga naila kining si Stewart Dominic Ethan.
Una nang gibutyag sa Nepalese authorities nailhan na nila ang identity sa 19 nga namatay diin gawas sa British National, dunay usay 40-anyos nga Chinese National nga babaye og 32-anyos nga lalaking gikan sa India gawas pa sa usa ka New Zealander.
Padayon ang gihimong imbestigasyon sa mga otoridad mahitungod sa insidente diin nagmguna ang Nepal’s Home Ministry og five-member taskforce.
