BUTUAN CITY – Kapin sa 18 ka mga minero ang namatay ug usa ang grabeng nasamdan human ang pagbusikad sa usa ka iligal nga minahan sa karbon sa estado sa Meghalaya sa India.
Padayon pa ang rescue operation kay gituohang adunay uban pang mga minero nga natanggong pa ilawom sa yuta.
Nahitabo ang pagbusikad tungod sa dinamita nga gigamit sa rat-hole mining, usa ka delikado ug gidili nga paagi sa pagmina apan padayon gihapong gigamit sa maong lugar.
Sumala sa mga aktibista, naghatag og pinansyal nga tabang ang gobyerno nga mu-abot sa 200,000 rupees alang sa mga namatay ug 50,000 rupees sa mg nasamdan. Ang minahan anaa sa lasang nga lugar, layo sa kapital sa estado.
Sa pagkakaron, wala pa mailhan kung kinsa ang tag-iya sa minahan ug wala pa usab matino ang mga identity sa mga biktima
