BUTUAN CITY – Mi-abot sa 18 ka mga pulis sa Caraga region ang gi-dismiss gikan sa serbisyo tungod sa ila matud pang kalambigitan sa illegal drugs.
Pipila matud pa sa maong mga na-dismiss nga pulis, nagositibo sa gipahigayong random drug test sa nagkada-iyang police units sa Caraga region.
Kini gawas pa sa unom nga gi-dismiss tungod sa ilang pag-absent without leave kon AWOL og gi-atubang nga mga kasong alarm in scandal.
Nasayrang sugod niadtong Hulyo 1 ning mi-aging tuig og hangtud Hulyo 4 ning tuiga, 24 ka mga police personnel ang gi-dismiss kondiin duha kanila ang Senior Police Officers 4 kon SPO4, duha usab ang Police Officers 3 kon PO3s kinsa subject ngadto sa legal process og imbestigasyon tungod sa gi-atubang nilang indiscriminate firing cases og padayon pang gi-imbestigahan sa Regional Internal Affairs Service kon RIAS sa Police Regional Office-13.
Sigon ni Supt. Martin Gamba, regional police spokesperson, ang pagka-dismiss sa badlungong mga pulis, kabahin sa “cleansing process” nga gipatuman ni PRO 13 Regional Director Chief Supt. Rolando Felix. (Beth Ruiz)
