BUTUAN CITY – Sa ikatulong higayon, subling natabok kagahapon sa Pinoy Aquaman ang Cebu Strait pinaagi sa paglangoy sa pioneering route gikan sa pantalan sa Argao, lalawigan sa Cebu ngadto na sa Brgy. Pantudlan, Cabilao Island, lungsod sa Loon, lalawigan sa Bohol.
Ang gilay-ong 18.15-kilometros, malampusong nalangoy ni Atty. Ingemar Macarine sulod sa walo ka oras og 25-segundos kansa ginabigar pinaagi ni Ambet Dumayag sa Argao Bantay Dagat Commission og ni Roel Catoto.
Una niining natabok ang Cebu Strait niadtong Hunyo 12, 2016 dihang iyang gilangoy ang 16-kilometrong gilay-on gikan sa Cabilao Island, sa Loon, Bohol ngadto sa Argao, Cebu.
Ang ikaduhang higayon natigayon niadtong Abril ning tuiga dihang iyang gilangoy ang 12-kilometrong gilay-on gikan sa Panggangan Island, lungsod sa Calape ngadto sa Sandingan Island, sa Loon, Bohol.
Kagahapon, hapit siyang mu-atras human nasugatan ang dakong panon sa jellyfish sa unang 7-kilometros niyang paglangoy.
Gibutyag sa swimming lawyer nga kini na ang iyang katapusang ataas nga paglangoy tungod kay mubiya na siya padulong sa Urupa sunod semana aron sugdan ang iyang acclimatization training alang sa iyang ultimate swim karong Agusto 14. (Beth Ruiz)
