18 ka pasahero, angol human nadumbulan sa wing van ang ilang sinakyang multicab

BUTUAN CITY – Mi-abot sa 18 ka mga pasahero sa de-pasayruang multicab ang angol human gibanggaan sa usa wing van didto sa Brgy. San Diego, lungsod sa Sison, Surigao del Norte.

Base sa inisyal nga imbestigasyon, pareho matud pang padulong sa Surigao City ang duha ka mga sakyanan, dihang mihunong ang multicab nga gimanehuan ni Redford Hamugas tungod sa mikanaog nga pasahero.

Ulahi na matud pang namatikdan sa driver sa wing van nga si Marvin Buladaco ang paghunong sa multicab hinungdan nga iya kining nadumbulan resulta sa pagkatay-og niini hinungdan sa pagka-angol sa mga pasahero. (Beth Ruiz)