BUTUAN CITY – Nakahan-ay na ang mga aktibidadis may kalabutan sa 18-Day Campaign to End Violence Against Women kon VAW nga gisugdan kagahapong adlawa sa SM mall ning siyudad sa Butuan.
Nanguna niini ang Department of Social Welfare and Development kon DSWD- Caraga, isip Chairman sa Regional Inter-Agency Committee Against Trafficking and Violence Against Women and their Children kon RIACAT-VAWC.
Gisugdan ang maong aktibidad pinaagi sa film showing nga gisundan sa motorkada. Gikumpirma usab ni Jessie Catherine Aranas, chief sa protective services sa DSWD-Caraga nga sa Nobyembre 27 himoon ang Buntis Congress sa Convention hall Provincial Learning Center, Patin-ay, Agusan Del Sur samtang sa Nobyembre 28 usab ang Barangay Kalampag/Anti-VAWLiktaktakan sa mga Barangay sa Butuan.
Sa Disyembre 4 usab pagahimoon ang National Humanrights Consciousness week kickoff program sa Sm mall.
Dugang pa sa opisyal nga sa samang enue usab sa Disyembre 2 ngadto sa 6 dunay emontar nga Orange Help Desk/Free legal Counseling and Senina Ko pagboot ko Exhibit diin lauman ang daghang legal offices. Dungan usab niini o sa Disyembre 2 ngadto sa 9 ilusad ang Human rights short film competition pinaagi sa Commission on human rights.
Samtang sa katapusang adlaw usab sa Disyembre 12 mao ang culmination sa maong aktibidad lakip na sa International Day against trafficking diin dunay awarding nga mahitabo.
