BUTUAN CITY – Muabot sa 174 ka mga miembro sa Communist Party of the Philippines-New People’s Army-National Democratic Front kon CPP-NPA-NDF ang nanumpa nga mubalik na sa sabakan sa gobyerno sa duha ka managlahing mass surrender activities sa Caraga region nga gipahigayon sa Headquarters sa 26th Infantry (Ever Onward) Battalion sa Brgy Zamora, Talacogon, Agusan del Sur ug sa Sitio Macopa, Brgy Poblacion, Carmen, Agusan del Norte.
Resulta kini sa kakugi ug pagpatuman sa Community Support Program sa 402nd Brigade, Philippine Army uban sa pakig-alayon sa Community Action Team (ComACT) sa Philippine National Police.
Gitambungan nila Talacogon, Agusan del Sur Mayor Pauline Marie Masendo ug Brigadier General Maurito Licudine, ang 402nd Brigade Commander ug uban pang opisyal ang pag-welcome sa 24 ka mga surrenderees nga gilangkbuan sa pito ka mga regular NPA members ug 17 ka mga Milisya ng Bayan (MB) members bitbit ang 23 ka nagda-iyang armas.
Laing 150 ka mga rebelde usab ang mitahan sa 23rd IB, Philippine Army kondiin gipangunahan ni Lt Col Julius Cesar Pauloang ceremonial mass surrender sa Sitio Macopa, Brgy Poblacion, Carmen, Agusan del Norte uban si Mayor Jovitte Calo, isip Guest of Honor ug Speaker.
Gilangkuban kini sa 24 ka mga Milisya ng Bayan (MB) members ug 126 ka mga mass supporters kinsa nagtahan usab og duha ka kalibre . 45 nga pistola, tulo ka kalibre .38 nga pistols ug ka usa ka Cal. 22 pistola, 9 ka Home Made/Improvised Shotguns uban nagkada-iyang sangkap sa paggama og bomba ug mga bala.
Sigon ni Maj. Francisco Garello Jr., Civil Military Operations kon CMO officer sa 402nd Brigade, PA, sa pakighinabi sa Bombo Radyo Butuan, ang maong pagtahan, lamatuod lang nga uba-ubay na ang nakasabot nga ang ilang gisudlang kalihukan wala’y kwenta ug wala’y padulngan. Tungod niini, nanawagan usab ang opisyal sa mga nagpabilin pa sa kabukiran nga dili pa ang ulahi ang tanan aron magbag-o ug magbalik na sabakan sa gobyerno sanglit dunay mga programa nga disenyo alang kanila.
