BUTUAN CITY – Miabot na sa nasud ang 17 ka tripulante human nga sila gibuhian sa Houthi rebels sa Yemen. Mitugpa ang Oman Air flight 843 sa Ninoy Aquino Internaitonal Airport Terminal 1 sa siyudad sa Pasay pasado alas 9:31 sa gabi-i sa Huwebes sakay ang 17 ka Pinoy seafarers.
Gisugat sila ni Department of Migrant Workers (DMW) Secretary Hans Leo Cacdac, Department of Foreign Affairs Secretary (DFA) Enrique Manalo, Transporation Secretary Jaime Bautista ug uban pang opisyal sa gobyerno.
Ang mga tripulante mao ang crew sa M/V Galaxy Leader nga gibihag sa mga Houthi rebels sa Red Sea niadtong Nobyembre 2023.
Human nga gibuhian ang mga niini, gelayong gimandu ni Pangulong Ferdinand Marcos ang pagpapauli kanila.
Gipa-ambit ni Department of Migrant Workers Secretary Hans Leo Cacdac nga maggahin una og oras ang 17 ka Pinoy crew sa ilang tagsa-tagsa ka pamilya nga kapin 400 ka adlaw nga wala nila makauban apan moagi gihapon sla sa pagsusi aron maseguro nga sila ana sa maayong kondisyon.
Samtang gimandu usab ni OWWA Administrator Arnell Ignacio sa Repatriation Assistance Division (OWWA-RAD) nga siguraduhon nga nahatag ang tanang ilang panginahanglan sama sa tabang pinansyal, counseling, ug stress debriefing aron sila subling makabangon.
