BUTUAN CITY – Ning kabat na sa 17 ang ihap sa mga nangamataysa sa Quezon City tungod sa rabies. Kini base sa datos nga gipagawas sa Quezon City Local Government Unit gikan Enero 2019 hangtod Mayo ning kasamtangan nga tuig.
Samtang kapin sa 90% usab sa mga kaso sa Human Rabies ang natala nga gikan sa mga iro. Gumikan niini, gipahinumdoman sa lokal nga kagamhanan ang mga residente sa maong dakbayan nga dili ibaliwala ang mga garas o pinaakan sa bisan unsang mananap tungod kay delikado kinbi ug mamahimong mosangput sa kamatayon ilabi na kon dili dayon maatiman.
Giawhag usab sa Quezon City Local Government Unit ang publiko nga pabakunahan ang ilang mga binuhing iro ug iring aron dili sila mataptan kon mapaakan sila sa mga nataptan na og rabies nga mga mananap.
