17 ka mga tawo nawala sa pagtiklaob sa tourist ship sa Red Sea

BUTUAN CITY – Muabot sa 17 ka mga tawo ang gikatahong nawala human ang pagtiklaob sa usa ka tourist boat sa Red Sea. Ang barko dunay sakay nga 31 ka mga turista ug 14 ka mga crews kondiin 28 sa mga niini ang naluwas.

Sumala sa mga otoridad, nakadawat sila og distress signal gikan sa barkong Sea Story kansa mibiya sa pantala sa Marsa Alam alang sa lima ka adlaw nga diving trip.

Sigon ni Maj-Gen Amr Hanafi , nakit-an ang mga survivors sa Wadi el-Gemal sa habagatan nga parte sa Marsa Alam.

Gidala gelayon sila sa ospital aron mahatagan og medikal nga atensiyon. Gipahugtan sa Egyptian Navy warship nga El Fateh ang pagpangita sa mga nawalang biktima gamit ang military aircraft.